"قدر قيمة نفسك"
بتقدر نفسك، بتحترمها وبتحبها ولا بتخلي اي حد يدوس عليك ويقلل منك، يقلل من وجودك وقدراتك وعظمتك كمخلوق كرم من ربنا...
بتسمح لنفسك انها تتهان وتتجرح وانت بتسمح بكدا، مش واثق فيها ومش مديها حقها، لانك في الآخر السبب....
لازم تحترم نفسك وتقدرها وتديها حقها، لان احترامك لنفسك هيغنيك عن احترام الناس ليك، هيغنيك انك تنتظر الاحترام من اي انسان، لانك في الاساس بتحترمها ومديها حقها....
لازم تقدر قيمة نفسك بنفسك، تدرك ان القيمة تستمد من الشخص نفسه وان مفيش انسان علي وجه الارض هيقدر يحسسك بقيمتك غيرك...
قلة تقديرك لنفسك تدخل في علاقات تدور فيها علي شخص يقدرك، ازاي الناس هتقدرك وانت نفسك مش مقدرها...
لازم تثق بنفسك لانك لو موثقتش فيها عمرك ما هتقدر تثق في حد تاني، لانك عمرك ما هتحس بالثقة والامان...
مفيش انسان هيخليك واثق في نفسك غيرك، مفيش حد بيخلي التاني واثق في نفسه...
الثقة بالنفس مكتسبة يعني الانسان بيتعلم ازاي يكتسبها الموضوع سهل...
لما تحترم نفسك وتقدرها هيمنعك تدخل في علاقات عشان تحس فيها انك متقدر ومتشاف ومحترم...
لان اي انسان بيدخل في علاقه عشان يلاقي حاجه ناقصة يبقي غير سوي وشخص مريض.....
متستناش التقدير والاحترام والثقة من انسان تاني، لانك هتكون زي العطشان اول ما يشوف الميه هيجري عليها، هتكون معرض انك تستنفذ وتستغل من اشخاص غير اسوياء لمجرد انهم بيحسسوك انهم بيدوك الحاجه الي انت بدور عليها، هتستغل عاطفيا وماديا وجسديا وانت بدور علي حاجه جواك وانت بايدك الحل لنفسك....
لذلك خد بنفسك وابدا اتعلم ازاي تقدرها وتحبها وتحترمها وتثق فيها لنفسك ولحياتك وعشان تكون انسان ناضج وسوي....
"اوركيدا 🍁"